Martin Møller nuannaarpoq
Ajugaaniutivinnissamut anngunniuttunit 86-iusunit normu 54-itut inissippoq, tassa ajugaaniutivinnissamut peqataanissamut piumasaqaataasutut pitsaanerit akornanneeqqajarani.
- Kisianni naatsunut sukkasuumik unammisaleramali aatsaat taama angusarissaartigaanga. Normu 64-itut inissinnissara aaqqissuisut ilimagigaluarpaat, kisianni tassa normu 54-itut inissippunga. Peqataasut amerlasoorujussuupput, taamaammat naammagisimaarinneqaanga, Martin Møller Danmarkip Radioanit apersorneqarluni oqarpoq.
Unamminerit pissanganartorsiorfioqaat, ajugaaniutivinnerit pinissaasa tungaannut, unammisunimmi arfiniliusunit pingasut orlupput. Norge kuultinnappoq.
Martin Møller tallimanngorpat unammeqqissaaq, tamatumuuna 15 kilometerinut klassiskimik unammissalluni.
- Kisianni suli isumaqarpunga, marloriarlunga unammereernittupajaaq angusaqassallunga, Martin Møller oqarpoq, qilanaarinerpaasaali tassaavoq, 50 kilometerinut ujakkaarluni unamminissani, taannalu pissaaq februaarip ulluisa 23-anni.
