Ujakkaarluni ooqattaasartartoq Martin Møller nunarsuarmi pissartanngorniunnermi aallartilluarpoq.
Oqaluttuarineqarpoq Martin Møller Østrigemi 10 kilometerini ingerlaarnermini ujakkaartut 118-t akornganni pitsaanerit 64-t ilagisimagai.
Martin Møllerip ooqattaasarluni igeriarnermini marluk uniorsimavai tassa innarluni igeriarnermi aammalu nikuilluni igeriarnermi. Sukkasimanerali unnersiutigineqarpoq sukkarnerpaani 19-iusimagami.
Øystein Slettemark aamma ingerlalluarsimavoq.
Øystein 10 kilometerini ingerlaarnermini Martin Møllerimut sanilliulluni 37 sekundtiinnarnik arriinnerusimavoq, ooqattaasarnermili Martinnimiit angusakinnerusimavoq igeriarnermi sisamariarluni uniorsimagami. Øystein normu 101-imut inissineqarpoq– inissinnerali ajorisassaanngitsoq oqaatigineqarpoq.