Martin Møllerip OL-imut peqataanissaa DK-imi tapersersorneqalerpoq

Sisorartartup Martin Møllerip OL-imut peqataanissaa politikerit danskit tapersersulerpaat. Unammeqataasussanik aalajangersaasartoq, Dansk Olympisk Komité, suliaq pillugu ullumi ataatsimiittussaq, eqqarsaatissaqalerpoq.

Danskit inatsisartuinut De Radikale Venstre-t sinnerlugit ilaasortap Elsebeth Gerner Nielsen-ip naalagaaffeqatigiinnerup iluani namminersornerullutik ingerlasut ajunnginerusumik peqquai.

Kultur-i pillugu oqaaseqartartup Namminersornerullutik Oqartussat, Martin Møller-illu OL-imut peqataanissa Dansk Olympisk Komité-mut allagaqarnermikkut taperserpaat.

Namminersornerullutik Oqartussat pisortaat Kaj Kleist TV2 Sport-imut oqaaseqarpoq:

-Nunatta ineriartornera ataatsimut nalileraanni timersornikkuttaaq peqataasariaqarpugut.

Nunarsuaq tamakkerlugu OL-imut peqataanissamut piumasaqaatit Martin Møller-ip eqqortereerai, danskit piumasarisaat inuuttoorfigaa. Tamannali ajornartorsiutaasariaqanngitsoq, Elsebeth Gerner Nielsen oqarpoq.

Timersortartut – unammisartuusimasullu 15-it Martin Møllerip OL-imut peqataatinneqarnissaanut tapersersuillutik allagaqarputtaaq.

Arlalinnit kaammattuineq Dansk Olympisk Komité-p oqaaseqarfigerusunngikkallarpaa, ullumili ataatsimiissutigissavaa.