Assi: Naalakkersuisut

Martin Møllerip OL-imi unammeqataalernini nuannaarutigigaa

Ujakkaartartup Martin Møllerip napparsimanermi kingorna Korea Kujallermi OL-imi peqataalernini nuannaarutigaa.

Kalaallip Martin Møllerip sapaatip akunnerata siuliani nuannini pissutigalugu OL-imi ujakkaarnissani siulleq peqataaffiginngitsoortariaqarsimavaa.

Tallimanngornermulli unnuaani timini piareersutut misigigamiuk sisoraatini ujakkaarutini atisinnaanngoqqippai, olympiaderfimmilu 15 kilometerimut kiisami unammeqataalluni.

- Sisoraqqissinnaalerama assorsuaq nuannaarpunga, uummaarillungalu, 37-nik ukiulik Martin Møller KNR-imut taama oqarpoq.

Kalaaleq sisorartartoq normu 90-iulluni naatsorsuutamitut apuuppoq.

- Angusara naammagisimaarpara, taanna oqarpoq.

AAMMA ATUARUK Martin Møller OL-imi unamminermini kingulliit ilaanniittoq

Martin Møller tullianik februaarip 24-anni unammeqataassaaq. Tamatuma tungaanut nuannermi nalaani angumerinngisani angummaffiginiarniarpai.

- Nuannera qaangereerakku maanna sungiusassaanga. Sungiusarnerusinnaanngorpunga, taava sapaatip akunnerata tullia naalerpat, unammisussannguleruma eqqissisimaalaaqqaarumaarpunga, Martin Møller oqarpoq.

Pyeongchangimilu sungiusarfissat pitsaalluinnarput.

- Anorlilaarpoq. Pissutsit ajunngeqaat aputigissaarlunilu, sisorartartoq oqarpoq. Unammeqqinnissami tungaanut aamma kalaaleqatimi Laila Sallingip Nunatta nalunaaqutaa naapertorlugu sapaatiuppat unnukkut unammisussap isiginnaarnissaanut Møller piffissaqarusuppoq.

Martin Møller februaarip 24-anni pikkoriffimmini 50 kilometerimut qangatoorluni unammissaaq. Tassa ungasissuseq taanna maannamut OL-imi 2014-imi angusaqarfigisaasa pitsaanersaat, tassani normu 45-ngorami.

- Anguniangaavoq ukiut sisamat matuma siornatut angusarissaarnissaq, tassani unammilluaqaanga, anguniakkalli qaffasissuunissaat pingaaruteqartoq, Møller oqarpoq.

AAMMA ATUARUK Martin Møller unamminissamut siullermut peqataalinngitsoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat