Assi: Elite Sport Greenland

Martin Møller ukiukkut OL-eqarnisssaanut piukkunnarsarpoq

Ujakkaartartoq Martin Møller aamma Elite Sport Greenland 2018-imi OL-eqarnissaata tungaanut isumaqatigiissusiorput.

Martin Møllerip ukiuni tulliuttuni sungiusarneq aallunnerussagaa, isumaqatigiissuteqartoqarnerani Elite Sport Greenlandimi siullittaasunngorlaap Malik Hegelund Olsenip oqaatigaa.

- Elite Sport Greenlandip aningaasatigut pisuunngortinnavianngilaatit - pitsaanerpaamilli angusaqarnissannut takorluukkannut suleqataasinnaavoq, Malik Hegelund Olsen oqarpoq. Elite Sport Greenlandip Martin Møllerimik isumaqatigiissuteqarnera aningaasatigut aamma sungiusarnermi taamatullu inuussutissartornermi immikkut ilisimasalinnik siunnersorteqarnissamik imaqarpoq.

Aamma atuaruk Martin Møllerip 2018-imi OL-eqataanissani siunnerfigaa

Martin Møllerip isumaqatigiissuteqarnertik tulluusimaarutigaa, tamannami ukiuni tulliuttuni unamminernut taamatullu sungiusarnernut peqataasinnaaneranik qulakkeerinnittuummat. 

Ukiuunerani tullianik OL-eqartornissaanut qasujaallisarluni maannakkut ilungersorluni sungiusarluni, Martin Møllerip oqaatigaa.

- Sapinngisara tamaat pitsanngoriassallunga piumassuseqartorujussuuvunga.  Elite Sport Greenlandimik isumaqatigiissuteqarneq ungasinnerusoq eqqarsaatigalugu toqqissisimanartippara, Martin Møller oqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat