Martin Møller Polar Circle Marathonimi ajugaasoq

Polar Circle Marathon Kangerlussuarmi sapaammi ingerlanneqarmat nunatsinneersumit ajugaasoqarpoq. Ajugaasoq nunatsinni ilisarisimaneqarluartuuvoq, arlaleriarlunilu OL-ertoqarnerani peqataanikuulluni.
Assi © : Bent Hjarbo/Danmarks Skiforbund
oktobarip 28-at 2018 13:45

Ajugaasoq tassaavoq Martin Møller Polar Circle Marathonertoqarneranilu aatsaat taama sukkatigisumik arpattoqartoq aaqqissuisut allapput. Taassuma akunnerit marluk minutsit 53-it sekundillu 45-it arpaffigalugit.

Marathonimi 2-nngortoq tassaavoq Piotr Suchenia Polenimeersoq, Danmarkimeersorlu Anders Hofman Laursen trenngorluni apuulluni.

Arnat arpanneranni aamma nunaqqaterput ajugaavoq, Louise Petersen akunnerit sisamat minutsit 14-it sekundillu 51-it arpareerluni siulliulluni apuuppoq. Deborah Anna-May Barber Australiameersoq to-nngorluni.

Polar Circle Marathonimut arpattut katillugit 126-upput.