Martin Møller danskit kattuffiata piumasaanut angummatinngilaq

Danskit timersoqatigiivisa kattuffiata OL-imut peqataanissamut piumasaqaataasa naleqqutinngip-pallaarneri nunatsinni Sisorartartut Kattuffiata siulittaasuata tulliata Klaus Møllerip uparuarpaa.

Danskit timersoqatigiit kattuffiata OL-imut peqataa-nissamut piumasaqaatai nunani allamiunit soorlu Finland-ip, Ukraine-p, Tjekkiap Schweiz-illuunniit piumasaqaataannut angumaneqaqqajanngilaq.

Piumasaqaataavormi nunarsuarmi pissartanngorniun-nermi -World Cup-imi marloriarluni pitsaanerit 16-it akornanniinnissaq. Tamannali siuttup tyskiusup Tobias Anger-ip pallissimanngilaaluunniit.

- Danskit timersoqatigiivisa kattuffiataluunniit tamanna eqqortuunersoq, eqqortuunnginnersorluunniit oqaloqatigiissutigiumanngikkaa, Klaus Møller oqarpoq. Nunatsinni sisorartartut kattuffiat unammisartunik toqqaaniartoqalersillugu peqataasarusuppoq. Martin Møller danskit timersoqatigiit kattuffiata piumasarisaat 1,54 sekund-inik inulaarsimavaa. Nunat allat piumasarisaat malillugit Martin Møller angusamigut OL-imut annguppoq, ajoraluartumilli danskit timersoqatigiiffiisa kattuffiata piumasarisaat inulaarlugu.