Martin Breum Naalagaaffeqatigiinneq pillugu filmiliorusuppoq

DR 2-mi tusagassiortoq Martin Breum 2003-mili tv-qarfiup nutaarsiassaqartitsiviani Deadlinemiissimasoq soraarsimavoq.
apriilip 08-at 2014 06:23

54-inik ukiullip taassuma maanna nuannarilluakkani aallunnialerpai, tassa pisimasunik tunngavilinnik filmiliorneq, aamma Kalaallit Nunaata Danmarkillu akornanni pissutsit pillugit atuakkiorneq.

Qallunaat Nunaanni aallakaatitassiaasartuni pitsaanerpaaq qimannialerlugu, tamannalu uggorigini, tusagassiortup taassuma oqaatigaa.

Suliffimmili qimanneratigut Issittoq pillugu soqutiginninnerujussuani maanna aallussinnaalerpaa.

Kalaallit Nunaat pingaarnerutillugu naalagaaffeqatigiinneq pillugu pisimasunik tunngavilinnik arfinilinnik filmiliornissaq pilersaarutaanut ilaavoq.