Marthap nunani avannarlerni suleqatini naapippai

Inatsisinik atortitsinermut naalakkersuisoq ataasinngormat marlunngormallu Stockholmimi ataatsimiinnermut peqataavoq. Peqataasut allat tassaapput Nunani Avannarlerni inatsisinik atortitsinermut ministerit. Ataatsimiinnermilu apeqqutit inatsisinik atortortitsinermut tunngassuteqartut sammineqarput.
Allattoq Peter Troelsen, Simon Uldum
oktobarip 02-at 2013 04:47

Eqqartorneqartut ilagaat arnat aammalu nunanilu allaneersut nunani pineqartuni parnaarussivinni inissisimatinneqartartut atugarisaat.

Aammattaaq nunani assigiinngitsuni pinerluuteqarsimasunik isumaginnittoqarfiit Inatsisinik atortitsinermut ministerit Stockholmimi ataatsimiinnerannut qaaqquneqarsimapput. Ministerit pinerluuteqarsimasunillu isumaginnittoqarfiit ataatsimoortillugit ataatsimiissinneqarnissaanut siunertaavoq oqaluuserisassat sukumiisumik tamatigoorluartumillu sammineqarsinnaanissaat.

-Nunatsinnut tunngatillugu maluginiagassatut saqqummiunniakkat ilagivaat sinerissami eqqartuussaaniarlutik utaqqisorpassuit erseqqissaassutiginissaat. Tassuunatigummi siunertarineqarmat sulisut suli amerlanerusut atorfinitsinneqarsinnaanissaat, Martha Lund Olsen oqarpoq.

Lund Olsenip Norgemi suleqatini Grete Faremo, Anna-Maja Henriksson Finlandimeersoq Beatrice Askilu Sverigemeersoq naapippai, kiisalu aamma danskit illersornissamut ministeriat Morten Bødskov Stockholmimi Räsnäs Slottimi ataatsimiinnermut peqataavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq