Politikki

Siusinaartumik pensionisiat: Martha Lund Olsen sullissisussat amerlinissaannut millioninik arlalinnik immikkoortitsisoq

Siusinaartumik pensionisiaqartitsinermik aaqqissuussineq nutaaq, ukioq manna juulip aallaqqaataani atuutilersinneqartoq, kommunini sullissisunut suliassatigut ima annertutigaaq sulisunik amerlanerusunik atorfinitsitsinissamut millioninik arlalinnik immikkoortitsisoqartariaqarluni. Isumaginninnermut naalakkersuisoq, Martha Lund Olsen, tusagassiorfinnut nalunaaruteqarluni taama allappoq.

Allattoq Kenneth Elkjær

septembarip 29-at 2016 06:08

Nutserisoq Simon Uldum -

Taamaammat Martha Lund Olsenip kommunini sullissisussanik ukiuni tulliuttuni marlunni suli 6-8-nik atorfinitsitsisoqarnissaanut 6 millionit koruunit Aningaasaqarnermut Ataatsimiititaliamut qinnuteqaatigai.

- Aaqqissuusseqqinnerup pilersaarutaasutut siunertaasutullu atuutsinneqarnissaa qulakkeersinnaassagutsigu, kommunit siusinaartumik pensionisiat pillugit suliaqarnissaminni naammattunik sulisussaqarnissaat pingaartorujussuuvoq, Lund Olsen tusagassiorfinnut nalunaarutimini taama allappoq.

Aamma atuaruk Siusinaartumik sulisinnaajunnaarnersiutit misissuiffigineqartut

Aningaasaqarnermut Ataatsimiititaliap Martha Lund Olsenip qinnuteqaataa akuerereerpaa, aningaasaliissutillu taakku atorlugit kommunit aaqqissuusseqqinneq atuutsilluarsinnaalissagaat naalakkersuisup neriuutiginerarpaa.

Aamma atuaruk Siusinaartumik pensionisiallit 2000-it nalilersuiffigineqarlersut

Aamma atuaruk KNIPK: Siusinaartumik pensionisiat pillugit paatsuugasorpassuit