Martha Labansen: Kommunit kattussuunnissaat siuartilli

Allattoq Mads Lynge
decembarip 09-at 2006 14:04

Kommunit kattussuuttussat qanoq isikkoqarnissaat erseriartulerpoq. Taamaammat kommuninik iluarsaaqqinnerup innersuussutigineqartutut maajip aallaqqaataani 2009-imi pinnani ukiortaami 2009-imut siuartinnissaa naleqqunnersoq, KANUKOKA-p pisortaa, Martha Labansen isumaqarpoq. Martha Labansen København-imiittoq ima oqarpoq:

- Kommunit ataasiakkaat kikkunnut kattunniarnerlutik naalakkersuisunut ukiortaartinnagu nalunaarumaartut ilimanarpoq, Martha Labansen oqarpoq, nangillunilu:

- 2009-mi maajip aallaqqaataani kommunit kattutissagaluarpata, kommunitoqqat naatsorsuutaat qaammatini sisamani naammassiniarneqassapput, ukiullu naanissaata tungaanut aningaasatigut pilersaarutit immikkoortut suliarineqartussaassammata, taamaattumillu allaffeqarfitsigut suliakkersorneq annertoorujussuussalluni, Martha Labansen oqarpoq.