Martha atuarniarnermikkut ajornakusoortut tapersersorpai

Martha, nipi inuit atortussiassaliaat qarasaasiakkut sanaaq, atuarniarnermut ajornakusoortitsisut ilinniartinniarnerannut sakkussatut aanna ilisaritinneqarpoq. Atuakkanut kalaallisut immiussanut aamma atorneqassaaq.

Atuarniarnikkut ajornakusoortitsiguit isigiarsuttuullutilluunniit nipip qarasaasiannut ikkunneratigut, soorlu ilinniartitsinermi atuagassat nipi ikiortigalugu maanna atuarsinnaanngorputit.

-Assigiinngitsorpassuarnut nipi Martha atorneqarsinnaavoq. Naqinnernik ililsarinninnissinnaanngitsut immaqaluunniit atuarniarnikkut ajornakusoortitsisut ilinniarniarnerannut atorluarneqarsinnaanera takorloorparput. Sumiuussuseq maani apeqqutaanngilaq; kalaallisut allaaserisanut atuarniarnermi tapersersortariaqartut tamarmik Martha atorsinnaavaat, suliniummi aqutsisoq Lars Christensen KNR-imut oqarpoq.
Martha, nipi inuit atortussiassaliaat, Synscenter Refsnæsimit, Qallunaat Nunaanni tappiitsunut isigiarsuttunullu piginnaaneqarnermut sullissivimmit suliarineqarpoq, nunatsinnilu innuttaasunut tunissutitut tunniunneqarluni. 

 

Aamma atuaruk VIDEO Nittartakkani allassimasunik kalaallisut atuffanneqarsinnaalerputit


 Sisimiuni, Nuummi Ilulissanilu ilinniartitsisut, perorsaasut ilinniartullu nipi qanoq atussanerlugu sapaatit akunnerini kingullerni ilinniartinneqarput, Nuummilu Piareersarfimmi pisortaq, Susanne Møller, ilinniartunut atuarniarnikkut ajornakusoortitsisunut periarfissat pitsanngornerunerat isumaqarpoq.

-Ilimagilluinnarpara maluginiutit arlallit atorlugit ilikkariartorneq pitsanngussasoq. Aamma ilinniartut atuarniarnikkut ajornakusoortitsisut sakkussaq una maani atuarunnaarunik atorluarsinnaavaat,))   

Susanne Møller oqarpoq.
 
Nipi inuit atortussiassaliaat 2013-imiit 2016-imut iluarsartuullugu pilersaarusiatut suliaavoq, VELUX-fondimiillu taperneqarsimalluni.

 

Nipi atuffat.gl-ikkut akeqanngitsumik aaneqarsinnaavoq.

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat