Martha Abelsen (S)
57-inik ukiulik, Nuummi inunngortoq peroriartortorlu. Ukiut 30-t sinnerlugit pisortat suliffeqarfiutaanni aqutsisutut pisortatullu sulereerluni 2008-imi qinikkatut suliaqalerpoq. Kommuneqarfik Sermersuumi kommunalbestyrelsimi ilaasortaavoq taannalu tunuliaqutaralugu KANUKOKA-mi 2010-miit ukioq manna apriilip 14-iat tikillugu siulittaasuuvoq.
Allattoq Malu Pedersen
juunip 10-at 2015 12:04
Politikkikkut suliniutiginiakkat:
- Apeqqutit nunatsinnut tunngasut sammineqartillugit nunatta peqataasarnisaa qulakkeeqataaffigerusuppaa
- Siumup folketingemi sulinerminni misissorluarniarpaa taamaasilluni Free Associationimik aaqqissuussisinnaanermi pitsaaqutaasut ajoqutaasinnaasullu qulaajarneqarniassammata
- Nunatta oqaluttuarisaanerata nutaanngitsup aamma nutaanerusup imminnut ataqatigiilluinnarnerat naalagaaffeqatigiinnerup iluani, innuttaasunit suli annerusumik ilisimaneqalernissaa sulissutiginiarpaa
Martha Abelsenip Facebookikkut nittartagaa takuuk.
Siumup folketingimut sulinissamut anguniagaat uani atuakkit.
Martha Abelsenip qineqqusaarutaa uani aamma takuuk.