Martha Abelsen naalakkersuisoqarfimmi pisortatut soraartoq
Martha Abelsen Isumaginninnermut, Suliffeqarnermut Nunamullu Namminermut Naalakkersuisoqarfimmi pisortatut atorfeqarunnaarpoq.
Tamanna Naalakkersuisut Siulittaasuata Naalakkersuisoqarfiani pisortap, Hans-Peder Barlach Christensenip uppernarsarpaa. Taassuma oqarnera naapertorlugu Martha Abelsen isumaqatigiiffiusumik atorfimminit soraarpoq. Naalakkersuisoqarfimmi pisortatut atorfik maanna saqqummersinneqarpoq.
Hans-Peder Barlach Christensen: - Martha Abelsen atorfimmit pisortatigoortumik maajip 31-ani soraarpoq. Sulinermi isumaqatigiissut naapertorlugu soraarnissaa immikkut aningaasatigut atugassaqartitsiviunngitsumik isumaqatigiissuteqarfiusumillu isumaqatigiissutigineqarpoq.
Martha Abelsen atuuffimmi tassani 2023-mi juunip aallaqqaataani pisortanngorpoq. Tamanna sioqqullugu Kommuneqarfik Sermersuumi Meeqqanut Ilaqutariinnullu Ingerlatsivimmi pisortaavoq.
Taanna kingullermik kommunimut qinersisoqarmat Kommuneqarfik Sermersuumi Siumut tunuliaqutaralugu borgmesterinngorniarluni apriilimi qinigassanngortippoq, Avaaraq Olsenimiilli Inuit Ataqatigiinneersumit ajugaaffigineqarluni.
