Nunatsinni apriilip ulluisa arfernanni qinersisoqarnerani politikeri ataaseq Naalakkersuisunit allaffimminit nuunnissaa qularutissaanngilaq. Toqqorsivimmit assiAssi: KNR / Malik Brøns

Martha Abelsen Inatsisartunut qinigassanngortinngitsoq

Isumaginninnermut, inatsiseqarnermut peqqinnermullu naalakkersuisoq Sermersuumi borgmesterinngorusuppoq.

Nunatsinni apriilip ulluisa arfernanni qinersisoqarnerani politikeri ataaseq Naalakkersuisunit allaffimminit nuunnissaa qularutissaanngilaq. Tassaavorlu Martha Abelsen (S) isumaginninnermut, ilaqutariinnut, inatsiseqarnermut peqqinnermullu naalakkersuisoq.

- Inatsisartunut qinigassanngortinngilanga, taanna KNR-imut oqarpoq.

Taannami Kommuneqarfik Sermersuumi borgmesterinngorusuppoq.

- Suliaqarnissannut suli nukissaqarlungalu piumassuseqartutut misigisimavunga. Inatsisartunut maanna piffissaanngitsukkut qinersisoqalerpoq – tamatuma saniatigut kommunimut aamma qinersisoqassalluni. Taamaammat kommunimi polikkimut sassarnissannut maanna periarfissaqarpoq, Martha Abelsen oqarpoq.

Borgmesteriorusuttoq

Taanna marloqiusamik – tassa kommunimut Inatsisartunullu piffissami ataatsikkut qinigaaffeqarusunngilaq.

- Kommunemut immaqaluunniit inatsisartunut qinersinissamut periarfissaqalermat, kommune qinerpara politikikkut nuannaralugu, misigisimallungalu suli tunniussassaqarlunga politikikkut.

- Aamma maani kommunerujussuatsinni allanngueqataanissannut nukissaqarlunga misigisimagama.

AAMMA ATUARUK Nunarput utoqqatsissava? Martha Abelsen akerliuvoq

Borgmesteriorusuppit?

- Qinersisartunit piukkunneqarlunga toqqarneqarlunga qinerneqarluassaguma, borgmesterimut sassarsinnaannermut aamma tunuarsimaanngilluinnarpunga.

Suna Inuit Ataqatigiinnit Charlotte Ludvigsenip illillu akornassinni assigiinngissutaava?

- Innuttaasunut peqataatitsinissaq pingaaruteqarluinnarpoq. Ittoqqortoormiini Paamiunilu inuit suna tamarmi Nuummut qitiutinneqartoq tusaaneqarnerlu ajortutut misigisimapput. Taamaammat taakku kommunerujussuatsinni qanoq tusaaneqarsinnaanissaat misissussavarput.

Siullermeertumik kommunimut qinigassanngunngitsoq

Martha Abelsen kommunini politikkimi aatsaat suliaqalingilaq. Taanna kommunimut 2008-mi qinersisoqarmat 283-inik taaguunneqarluni Kommuneqarfik Sermersuumi kommunalbestyrelsimut iserpoq.

- Piffissaq maanna ingerlalertornikuuvoq – piffissallu naleqqutinngitsoqartoq takutippaa. Ittoqqortoormiini, Tasiilami, Paamiuni Nuummilu innuttaasut assigiinngitsorujussuupput, kommunillu nunaqarfii, nunaqarfii najugaqarfiilu assigiinngitsumik ineriartortinneqassapput, Martha Abelsen oqarpoq.

AAMMA ATUARUK Martha Abelsen: Innersuussutit isornartorsiornerat kukkuluttorneruvoq

Taanna Doris J. Jensen 2008-mi oktobarimi tunuarmat peqqissutsimut, isumaginninnermullu naalakkersuisunngorpoq.

Taassuma tunuarnera benzinamut akiliutip, Naalakkersuisuunerani tunniunneqartup atornerlunneqarnera pillugu suliamik pissuteqarpoq.

Martha Abelsen Isumaginninnermut aqutsisoqarfimmi immikkoortortami pisortatut atorfeqarsimavoq aamma illoqarfiit pingaarnersaata kommuniani borgmesterimut tullersortaasimavoq, KANUKOKA-milu siulittaasuusimalluni.

Taanna politikkimit 2015-imi tunuarpoq, 2018-imilu uteqqilluni. 

Isummersuutit

Nannumik assiliisoq © Vilhelm Lynge Hard

TV, radio: Qinersisartunik ataatsimiititsinerit

INATSISARTUNUT QINERSINEQ #IQ2021

Illoqarfinni assigiinngitsuni qinersisartunik ataatsimiititsinerit tv-kkut radiukkullu aallakaatilerpagut.

Sumiiffiit ornillugit imaluunniit Facebookimi quppernitsinni KNR-imi Qinersinermi apeqquteqarnissamut periarfissaqarputit:

facebook.com/qinersineq

Pilersaarutit uani takukkit