Marsip 28-ani nunarsuaq tamakkerlugu qulliit qamikkallarniarpaat

Silap pissusaata allanngoriartorneranut tunngatillugu Earth Hour-imik taallugu nunarsuaq tamakkerlugu, arfininngornermi marsip 28-anni iliuuseqarnissamut Kommuneqarfik Sermersooq peqataaniarpoq. Silap pissusaata allanngoriartorneranut iliuuseqarniarluni qulliit unnukkut qulingiluap qeqqaniit qulit qeqqata tungaanut qulliit qaminngatinneqassapput.
Allattoq Jaaku Lyberth
marsip 13-at 2009 08:04

Kommuneqarfik Sermersuumi kommunip illuutaanni qulliit qaminngatinniarneqarput aamma borgmesterip Asii Chemnitz Narupip internetikkut allagaqarluni sulisut tamaasa kajumissaarpai aaqqissuussinermut Sermersuumi Qaminngaalaarnermut peqataaqqullugit.

- Silap allanngoriartornera tamatta susassaqarfigaarput, borgmesteri allappoq, qulliillu qaminngatinnissaannut kajumissaarutaa kommunip illoqarfittut ikinngutigisaannut aamma illoqarfinnut ukiuusartunut suleqatigineqartunut kajumissaarutigineqarpoq.

Sermersuumi qaminngaalaarneq qallunaat suliniutaannut Burning Pandamut ilaavoq, tamatumanilu ilaatigut siunertarineqarluni nunarsuaq tamakkerlugu Earth Hourimik taallugu iliuuseqartitsiniarnermik, taamalu silap allanngoriartorneranut atatillugu innuttaasut ataasiakkaat qanoq iliuuseqarsinnaanerannik qaammarsaaneq. Tamanna pillugu nittartakkami uani annerusumik atuartoqarsinnaavoq: www.burningpanda.dk

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq