Marsimi uumasusseqartoqarnissaa neriuutigaat
Assit qaammataasaliap Phoenixip ippassaq nunarsuatsinnut nassiussarai.
Ilisimatuut neriuutigaat ullut 90-t ingerlaneranni qaammataasaliartik Amerikamiut aallartitaat Phoenix, 2 milliartinillu naleqartoq, iluaqutigalugu Marsimi uumassuseqartoqarneranik paasisaqarumaarlutik,
Qaammataasaliamiit nunarsuarmut assit nassiussat naapertorlugit NASA-mi ilisimatuut nuannaarutigeqalugu aamma nalunaarutigaat qaammataasaliap seqernup qinngorneranik ingerlatsisua innarlersimanngitsoq. Aammalu assiliissutaa silasiutaalu minnermi kingunerisaanik pilersaarutaanngitsumik inissisimagaluartoq ajoqutaanavianngitsorli.
Qaammataasaliaq Phoenix qaammatit qulit atorlugit 680 millioner kilometerit Marsip tungaanut ingerlavigereerlugit ippassaq Marsimut mippoq.
Qaammataasaliaq 410 kilomik oqimaassuseqarpoq ungasikkaluaqalunilu assit nunarsuarmut nassiussai minutsip ataasiinnaap ingerlanerani nunarsuarmut apuummata ilisimatuut Ingenørillu nuannaaqisut oqiliallatitseqisullu imminnut pakkutaaginnarsimapput.