Mars imeqarpoq
Amerikamiut avataarsualiartaataata Phoenixip maanna uppernasillugu paasivaa ulloriami angalasumi Marsimi imermik imeqartoq, taama Nasa tusarliussivoq.
aggustip 02-at 2008 17:00
”Imeqarpugut” taama ilisimatooq William Boyton University of Arizona-mi ilisimatooq issuarneqarpoq nangipporlu.
”Marsimi imeqarnera siusinnerusukkulli uppernarsereeraluarparput. Avataarsualiartaat Phoenix qaammat kingulleq tigusingajattaraluarpoq, maannali attorlugillu usserpai, ilisimatooq Boyton unnersiorpoq.
Avataarsualiartaat Phoenix ukioq manna marsip 26-iani ulloriamut angalasumut Marsimut nunnippoq. Avataarsualiartaatillu taassuma qaammatit pingasut ingerlaneranni suliassaraa Marsip avataatungaani sumik arlaannik soqarsinnaaneranik paasisassarsiornissani.
Phoenix teknikkikkut atortulersugaavoq ulloriaq angalasoq Marsi qeriuaannartuusoq assassinnaassagaa, paasiniarlugu ulloriami angalasumi tassani uumassuseqartoqarsimasinnaaneranik.
