Marraq uuliamut maqisumut

Qillerutip ikkussassap uuliap maqisup naqitsinera patajaallisassavaa. Immap naqqata iluani marlunnik qillerisoqassaaq, pilersaarutaavorlu 5,5 kilometerit angullugit ammut qillerisoqassasoq marrarlu qillikkanut matoorutigineqassalluni.

Qillikkat marluusut aappaa maanna piariingajalersoq Norgemi atuagassiat ilaannit Teknisk Ukebladimit allaaserineqarpoq. Naatsorsuutigineqarpoq ullut ikittunnguit imaluunniit sapaatip akunneri ikittunnguit qaangiuppata uuliap maqiffia matuneqarsinnaajumaartoq. Saliinerli sivisungaatsiassasoq allaaserineqarpoq.

Ulloq maanna tikillugu uulia maqisoq 6 million literiniit 10 million literi tikillugu annertutigisoq ilimagineqarpoq.

Maanna uulia maqisoq Louisianap sineriaani nunamut eqqissisimatitamut anngussimalerpoq, taamatut pisoqarpoq anorersuup Alexip takkusimaanerani. Tamaani timmissat ajornartorsiortinneqarput.

Uumasunik annaassiniarneq anorersuup uninngatikkallarpaa. Maanna anori sakkukilligaluartoq, uumasunik annaassiniarneq sapaatip akunnerata naanerani uani uninngatinneqarallassaaq.

Umiarsuillu annerit kisimik anorip sakkukkillvinnissaata tungaanut avalassinnaagallassasut ilimagineqarpoq.