Marraq Nunatsinni atorluarneqarsinnaavoq
Nunatsinni kangerlunni marraq atorluarneqarsinnaasoq, DTU-mi nunani avannarlerni, teknologi-mut tunngasunut ilinniartitsinermi immikkoortortaqarfimmi pisortaq, Arne Willumsen oqarpoq.
- Marraq sermersuarmiit aniasoq ukiuni arlaqalersuni misissorsimavarput, paasinarsiartorsimavorlu, maralluk taanna atorluarneqarsinnaasoq. Ukiuni arlalinni misileraasarsimanitsinni, marraq katillugu 20 tonsit missaanniittoq, Danmarkimut nassiuttarsimavarput. Qalequtissiorfiup ilaanni misileraatigalugu qarmasissianik sanatitsimanitsinni paasinarsisimavoq, qarmasissiaq sanaartortarnernut atorluarneqarsinnaasoq, Lyngby-mi DTU-mi ilisimatuutut atorfilik Arne Willumsen oqarpoq nangillunilu;- Qarmasissiaq taanna Kalaallit Nunaanni sanaartortarnerni atorniarneqarusunnersoq naluara, tassami Kalaallit Nunaanni, sanaartornermi atortut allat atorlugit sanaartorneq ingerlanneqartarmat. Aamma puisip orsua raajallu qalipai marallummut akuliullugit suliarineqaraangamik, illuliassanut oqorsaatissaqqissunik pilersitsisoqarsinnaavoq, taannalu oqorsaasiassaq aqqusinniornernut atorluarneqarsinnaavoq, sulili misissuilluaqqaartoqartariaqartoq, Arne Willumsen oqarpoq.
Kangerlussuup nalaani marraq sermersuarmiit aniasoq assigiinngitsutigut aamma atorluarneqarsinnaasoq, Arne Willumsen oqarpoq.
- Aamma marriortoq Jane Bailey, marramik angerlaassatsinnik atugassillugu suliakkersimavarput, taassumalu suliai assigiinngutsut iluatsilluarsimapput. Ilaatigut skålit tiitorfiit fliisillu kusanarluinnartut sanasimavai. Aamma marraq Kangerlussuarmeersoq cementiliarineqarsinnaalluarpoq, Arne Willumsen Dansk Teknologisk universitet-mi ilisimatuutut atorfilik oqarpoq, naggasiillunilu oqarpoq maralluk Kangerlussuarmiinnaanngitsoq sinerissamili kangerlunni allani, marraq atorluarneqarsinnaasoq, Arne Willumsen oqarpoq.
Dansk Teknologisk Universiteet-mi, avannarlerni teknologi-mut tunngasunut ilinniartitsinermi immikkoortortaqarfimmi pisortaq, Arne Willumsen
Cevilingeniøritut iliniartunik 40-nik ilinniartitsisunillu qulinik ilalerluni, Sisimiut eqqaani qaammatip uuma ingerlanerani misissuiartoqqissapput.
