Nunanit allanit

Marokkomi eqqartuussineq kinguartinneqaqqittoq

Louise Vesterager Jespersenimik, Danmarkimeersumik, Maren Uelandimillu, Norgmeersumik, siorna decembarimi toqutsisimasutut nassuerutiginninnikut Marokkomi eqqartuussaaneranni pineqaatissiinissaq kinguarteqqinneqarpoq. DR.dk taama allaaserisaqarpoq.
Eqqartuussineq sisamanngornermi naammassineqartussaagaluarpoq maannali aatsaat juulip 18-ianni naammassineqartussanngorpoq. Assi: Scanpix Assi © : Scanpix
Allattoq Ritzau
juulip 12-at 2019 12:26
Nutserisoq Connie Fontain

Ippassaq sisamanngornermi pineqaatissiisoqartussaagaluarpoq, tamannali juulip ulluisa 18-iannut maanna kinguartinneqarluni.

Pasineqartut pineqaatissiisoqannginnerani oqaaseqaateqarnissaat pillugu pineqaatissiisoqarnissaa kinguartinnqarpoq.

24-nik Louise Vesterager Jespersen, 28-nillu ukiulik Maren Ueland, Marokkomi Atlasip qaqqaannisiorna decembarimi pisuttuarnerminnut atatillugu tupersimatillutik toqutaapput.

Pasineqartut pingaarnerit pingasut toqumut pillagaanissaat, unnerluussisussaatitaasup piumasaraa.

Illersuisuata taama eqqartuussisoqarnissaa sakkortuallaarsoraa, pasineqartut tarnimikkut nappaateqartutut ikiorneqarnissaat akerlianik piumasaralugu.

Pinerluuteqarsimasutut Marokkomi eqqartuunneqartut toqumut suli pillarneqarsinnaappuut, ukiunili kingullerni 25-ni toqumut pillaasoqarsimanani.

Toqumut pillaaneq tamanna pillugu inuunerup sinnerani parnaarussaanissamik pineqaatissiineruinnassasoq oqaatigineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq