Uummannap kangerluani aatsitassarsiorfiusimasumi Marmorilimmi aatsitassamik zinkeqarneranik aqerlussaqarneranillu tuluit aatsitassarsioqatigiiffiat Angus and Ross upernaaru juunimi misissuilissaaq.
Marmoriliup qaqqaani Inngili Qernertumi zinkeqarneranik aqerlussaqarneranillu Angus & Rossikkut 187 kvadrat kilometerisut annertutigisumi qaammatini pingasuni misissuinissaminnut akuerineqarput.
Misissuiffigineqartussami sumiiffinni assigiinngitsuni arfineq marlunni qillerisoqassaaq siornagullu aatsitassarssiortoqarsimaneranit paasissutissanik qarasaasiamut immiussinerit kiisalu nunap assiliornerit ingerlanneqassapput.
Marmorilimmi aatsitassarsiorfiup ammarneqaqqissinnaanissaa periarfissaqarsoralugu Angus & Rossikkut siorna misissueqqissaarput, tamatumalu kingorna aatsitassarsiorfik naliliivoq Marmoriliup iluanaarutaaleqqinnissaa periarfissaqarluartoq.
Marmorilimmi misissueqqaarnerit takutippaat aatsitassamik 1.7 millioni tonsi sinneqartumik siunissami piaasoqarsinnaasoq.