Marlunnik alleruiaasoq pineqaatissinneqarpoq
Sisimiuni politiit KNR-imut taama ilisimatitsipput.
Angut 29-nik ukiulik Sisimiuni imerniartarfimmiitilluni angutinik marlunnik oktobarip 16-ani saassussivoq, alleruiaanermik kinguneqartumik. Angutit taakku 50-inik 55-inillu ukiullit Nuummut aallaruttariaqarsimapput.
Angut tigusarineqarnermi kingorna Sisimiut Eqqartuussivianut novembarip tallimaani sassartinneqarami ukiuni 28-ni tigummigallagassanngortinneqarpoq, ippassarlu tassa eqqartuunneqarluni. Illersuisup unnerluussisullu tamarmik 29-nik ukiullip qaammatini arfineq-marlunni pineqaatissinneqarsimasunut inissiisarfimmiittussanngortinneqarnera akueraat.
Sisimiuni politiit oqaatigaat, angut taarsiisussanngortinneqarsinnaasoq.