Kunngikkormiut tikeraarnerat Marlunngorneq pingasunngornerlu: Kunngikkormiut Nuummi
Kongehuset.dk naapertorlugu pilersaarutit imaapput:
Inatsisartut Naalakkersuisullu naapillatsiarneri
Nal. 14.40
Kunngikkormiut Naalakkersuisut Siulittaasuat Inatsisartullu Siulittaasoqarfiat Namminersorlutik Oqartussat allaffeqarfianni naapeqatigissavaat.
Naalakkersuisut Siulittaasuata Naalakkersuisoqarfianut pulaarneq
Nal. 15.00
Naalakkersuisut Siulittaasuata Naalakkersuisoqarfianut pulaarneq.
Naalakkersuisut kunngikkormiunik nerisitsinerat
Nal. 19.00
Nereqatigiinneq Hotel Hans Egedemi pissaaq. Namminersorlutik Oqartussat kunngikkormiunut tunissutaat tunniunneqassaaq.
Pingasunngorneq juulip 22-at Nuummi
Pisortatigoortumik tikilluaqqusineq
Nal. 10.00
Kunngikkormiut Nunatta Katersugaasiviata eqqaanut tulassapput, tassanilu borgmester Asii Chemnitz Narupimit tikilluaqquneqassapput. Borgmesterip kunngikkormiut illoqarfiit pingaarnersaannut tikilluaqqussavai qulingiluariarlunilu hurraartortoqassaaq. Erinarsoqatigiit NIPE "Nunarput utoqqarsuanngoravit" atussavaat.
Kittannut pulaarneq
Nal. 10.30
Kunngikkormiut mersortarfik Kittat pulaassavaat. Pulaarneranni ammerivik pillugu nassuiaassisoqassaaq.
Kalallit Nunaanni Eqqartuussiviit pulaarneqassapput
Nal. 11.15
Pulaarneranni illortaassap sanaartorneqarnera takutinneqassaaq, isertitsivittaassarlu pillugu nassuiaassisoqassaaq.
Grønlandsbankenimut pulaarneq
Nal. 11.45
Borgmesterip kunngikkormiut tikilluaqqussavai, aningaaseriviullu pisortaa Martin Kviesgaard naatsumik oqalugiassaaq.
Grønlandsbankenimi ulloqeqqasiorneq
Nal. 12.00
Borgmesteri ulloqeqqasiornermut qaaqqusisuuvoq.
Ataqqinartorsuup Dronningip pilersaarutaa:
Ippiarsummut pulaarneq
Nal. 14.00
Dronningip Ippiarsuk pulaassavaa.
Kunngikkormiusut ataqqinassusillip Prins Henriup pilersaarutaa:
Kalaallit Røde Korsianut pulaarneq
Nal. 13.50
Prins Henriup Kalaallit Røde Korsiat pulaassavaa ilaatigullu suliaq "Inua" pillugu oqaluttuunneqassalluni.
Ataatsimoorlutik pilersaarutaat:
Qinngutsinni aqqusinermik atoqqaartitsineq
Nal. 14.45
Dronningip Qinngutsinni aqqusineq nutaaq atoqqaarfissiussavaa.
Ilinniarfissuarmut pulaarneq
Nal. 15.10
Kunngikkormiut Ilinniarfissuup Eqaarsaartarfitoqaanut pulaassapput, tassani kalaallit annoraaminermik ilusilersugaat nutaaliaanerusut takutinneqassapput.
Ilinniarnertuunngorniarfiup inersuartaavani kaffillerneq
Nal. 15.30
Kunngikkormiunut Nuummiunullu kaffillerneq. Kaffillernerup nalaani kommunip tunissutaa tunniunneqassaaq, Arctic Winter Gamesilu inuit pinnguaataannik takutitsissaaq, nipilersortoqassaaq allanillu takutitsisoqassalluni.
Kunngikkormiut umiarsuaanni Dannebrogimi ilassinninneq
Nal. 19.00
Kunngikkormiut umiarsuaanni Dannebrogimi kunngikkormiut ilassinnissapput.
Kunngikkormiut Nunatsinnut tikeraarneranni pilersaarutit tamakkiisut kunngikkormiut pisortatigoortumik nittartagaanni takuneqarsinnaapput.