Marloriarlutik upernaakkut ataatsimiissapput

Inatsisartut upernaakkut ataatsimiinnertik marlunngorpat aallartissavaat. Taamaattorli apriilip arfineq-pingajuanni kommunalbestyrelsinut qinersinissaq pissutigalugu ataatsimiinnissaq piffissanut marlunnut immikkoortinneqarpoq.
februaarip 29-at 2008 08:48

Inatsisartut siulittaasoqarfiata ataatsimiinnissamut pilersaarut ulluni 19-ini ataatsimiinnissamut pilersaarutaasoq saqqummiuteqqammerpaa.

Ataatsimiinnerup immikkoortua siulleq marlunngorpat marsip sisamaanniit tallimanngornermut marsip 14-annut ingerlanneqassaaq.

Tamatuma kingorna kommunalbestyrelsimut qinersinissaq pissutigalugu unikkallartoqassaaq – Inatsisartullu ataatsimiinnertik apriilip 22-anni nangeqqissavaat maajillu 15-ata tungaanut ataatsimiissallutik.