Marloqiusamik qinigaaffeqarneq qinersisartut isumaqataaffiginngilaat
Folketingimut qinigassanngortittut Inatsisartuni ilaasortaareersut qinigaassagaluarunik marloqiusamik suliniarlutik oqarput. Qinikkatut marloqiusamik suliffeqartarneq sinerissami Nuummilu qinersisartunit assigiinngitsunik isumaqarfigineqarpoq.
Ilaat isumaqarput inatsisartuni ilaasortaanerup saniatigut Folketingimut ilaasortaasinnaaneq ajoquteqanngitsoq. Inuilli ilaat oqarpoq ataasiaannarani Inatsisartuni ilaasortat oqartartut tusartarsimallugu, tassa Inatsisartuni sulineq oqimaatsuusoq. Taamaammat folketingimut qineqqusaarniaraanni inatsisartuni ilaasortaaneq isummertup apeqquserneqartariaqarsoraa.
Allat isumaqarput torersumik sullissisoqassappat Folketingimullu qinigaalluni, qinigaasoq inatsisartuni ilaasortaanermiit tunuartariaqartoq.
Folketingimut qineqqusaartut marloqiusamik suliffeqartarnerat pillugu oqallinneq KNR-ip nittartagaanni oqallittarfimmi www.knr.gl/knroqallittarfik nanginneqarsinnaavoq.
