Mariep paamaarussisarneq qatsulluinnarpaa

Uummannap eqqaani qaatsiartaat angallassilerpat takornariaqarnermut akornusiisussanngussammat inatsisartuni ilaasortap Marie Fleischerip Angallannermut Pisortaqarfimmut apeqquteqaatigaa. Apeqquteqaataa tammarsorinarsimmat inuttaata Angallannermut Pisortaqarfimmut naammagittaalliutigaa.

- Apeqqutit akineqanngitsoortarnerat kingusinaarujussuarluniluunniit akineqartarnermut tunngatillugu demokraatininngaanniit 2002-mili ikkukkatta uparuartareerparput. Una pisoq nutaajunngilaq, Uummmannami angallannermut tunngatillugu naleqarani ingerlasoq isigissagaanni apeqqutit pineqartut pingaarluinnartuupput. Aammattaaq nunami demokratiskimi ingerlanneqartumi taamatut pisoqartarneq peqqinnanngilluinnartutut isigaara, taama oqarpoq Marie Fleischer, taassuma qaatsiartaat aasap tungaanut uninngaannassagunarmat tamanna apeqqummini qulaajartinniarsimagaluarpaa.

Marie Fleischer tamanna pillugu aamma AG-meereerpoq, tassanilu issuarneqarpoq, Jørgen Wæver Johansenip pisortaqarfimmini pissutsinik aqutsilluarnissaa Marie Fleischerip piumasarigaa.

Kingorna naalakkersuisut allattoqarfiat allappoq, allaffissornikkut kukkusoqarsimanera peqqutaalluni allakkat Angallannermut pisortaqarfimmut anngutinngiluusaarsimasut.

Akissulli taanna Marie Fleischerip suli naammaginngilaa.

- Naalakkersuisoqarfiit taavalu taanna landsstyrets sekretariati arlaatigut aaqqiisariaqarput paasissutissanik ingerlatitseqqiisarnermut tunngatillugu tassami peqqinnanngilaq kikkunnulluunniit tamanut tamanut peqqinnanngilaq, oqarpoq.

Nangilluta aperaarput Jørgen Wæver Johanseni taama ittumik noqqaavigisimanera qanoq kinguneqassangatinneraa.

- Ippassaq oqaluukkakku, pisortaqarfiup allakkat tigugamikkit apeqqutit akiniarsaripallukkaat taavalu aamma naammassipajaareersimallugit. Apeqqutaaginnassaaq taava akissutit uatsinnut uternissaat qanoq sivisutigissanersoq, demokraatit inatsisartuni ilaasortaatitaat Marie Fleischer taama oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat