Marianne Jelved kultureqarnermut ministerinngorpoq
Marianne Jelved Folketingimi misilittagaqarluarnerpaanut ilaavoq, Folketingimullu 1987-imi qinigaavoq. Ministerioreerpoq - socialdemokrati, Poul Nyrup Rasmussen, taamani ministeriunerugallarmat.
Nutaarsiassaqartitsivimmi Ritzauimi allassimasut naapertorlugit, Marianne Jelved Danmarkimi nalunaaqutaq malillugu nalunaaqutaq ataatsimut - maani nalunaaqutaq qulingiluanngorpat - Dronning Margrethemut oqaloqatiginnikkiartussaaq, Uffe Elbækilu dronningimit nalunaaqutaq marlup-qeqqanut inuulluaqquneqassalluni. Kulturministeritut atorfik nalunaaquttap-akunnera ataaseq qaangiuppat, tassa naluaaqutaq pingasut qeqqanut, Uffe Elbækip Marianne Jelvedimut Kulturministeriaqarfimmi tunniutissavaa.
De Radikalilli siulittaasuata, Margrethe Vestagerip, kulturministerertaani ippassaq unnukkulli tikilluaqqoreerpaa.
- Marianne uterpoq. Tikilluarit!, aningaasaqarnermut- nunanullu allanut tunngassuteqartunut ministeri nittartakkami Twitterimi nalunaarummini allappoq.
Taskilu sølverpasissoq assiliartaliussimagujaa.
Uffe Elbæk kulturministeritut tunuarmat, Marianne Jelved taartissaatut tassa toqqarneqarpoq. Ulluni arlalinni sakkortuumik isornartorsiorneqareerluni Uffe Elbæk tunuarpoq.
Kulturministeri tunuartoq suli ilungersunartorsiortinneqalerpoq, marlunngormat isumasioqatigiinnermi tupaallannaqisumik ilisimatitsissutigigamiuk, Afuk-imi, tassa Ilinniarnertuut atuarfianni, Akademiet for Utæmmet Kreativitetimi, arfinilissaa ataatsimiinneq, naalagaaffimmi atorfillit ilaannit mianersoqquneqareerlunilu, unitsissimagini oqaatigigamiuk.