Mariane Paviasen naalakkersuisunngortoq
Inuit Ataqatigiinni ilaasortaq Asii Chemnitz Narup aningaasaqarnermut numamullu namminermut naalakkersuisutut ullaaq tunuarpoq.
Naalakkersuisut taamaalillutik ataatsimik ikilipput.
Taamaammat Naalakkersuisut siulittaasuat, Múte B. Egede naalakkersuisussamik nutaamik Inatsisartunut ullummikkut innersuussivoq.
Naalakkersuisunngortussarlu innersuunneqartoq tassaavoq Inuit Ataqatigiinneersoq, Mariane Paviasen. Taanna ineqarnermut attaveqaasersuutinullu naalakkersuisunngussaaq. Taakkua Naaja Nathanielsenimiit tigussallugit. Naaja Nathanielsen aningaasaqarnermut naalakkersuisunngorpoq, Mimi Karlsenilu nunamut namminermut naalakkersunngorluni.
Taamaalilluni Naalakkersuisuni akisussaaffiit imatut agguarneqarput:
Naalakkersuisut Siulittaasuat: Múte Bourup Egede (IA)
Aningaasaqarnermut, Aatsitassanut, Inatsisit Atuutsinneranut Naligiisitaaanermullu
Naalakkersuisoq: Naaja H. Nathanielsen (IA)
Inuutissarsiornermut Niuernermullu Naalakkersuisoq: Pele Broberg (Naleraq)
Aalisarnermut Piniarnermullu Naalakkersuisoq: Aqqaluaq B. Egede (IA)
Isumaginninnermut, Sulisoqarnermut, Nunallu Namminermut Naalakkersuisoq: Mimi
Karlsen (IA)
Ilinniartitaanermut, Kultureqarnermut, Timersornermut Ilageeqarnermullu
Naalakkersuisoq: Peter P. Olsen (IA)
Peqqinnissamut Naalakkersuisoq: Kiista L. Fencker (Naleraq)
Nunalerinermut, Imminut Pilersornermut, Nukissiutinut Avatangiisinullu
Naalakkersuisoq: Kalistat Lund (IA)
Ineqarnermut Attaveqaasersuutinuullu: Mariane Paviasen (IA)
Meeqqanut, Inuusuttunut Ilaqutariinnullu Naalakkersuisoq: Paneeraq Olsen (Naleraq)
Narsameersoq Mariane Paviasen aprilimi qinersisoqarnerata kingorna Inatsisartuni ilaasortanngorpoq. Taassuma Kuannersuarni suliniutip unitsinneqarnissaa qineqqusaarutigaa.
Mariane Paviasen Inatsisartunut qinersisoqarmat 242-nit taaguunneqarpoq.