Leif den Lykkeliges Marathonimi Qassiarsummi arpaqatigiinermut 2016-imi peqataasut. Toqqorsivimmit assi

Maratoni Leif den Lykkelige ukioq manna taamaatippoq

Qassiarsummi Leif den Lykkeliges Maratoni ukiut tamaasa aasakkut ingerlanneqartartoq ukioq manna taamaatinneqarpoq.

- Pisortat inuit imminnut qanilleqqusaannginnerannik inassutaat malillugit maratonnip ingerlanneqarniarnera naammassisinnaanagu isumaqaratta taamaatipparput.

Maratonnimik aqutsisoq, Poul H. Jørgensen oqarpoq.

Kujataani marathonimut inuit 60-it 70-llu akornanni ukiuni kingullerni peqataasarput. Kisianni ukioq manna taamatippoq:

- Qilanaaraluaratta soorunami uggoraarput, arpaqataasussat peqataanissaminnut qilanaaraluartut aamma nalunngilarput.

Tassalu Covid-19 pillugu pisortat maleruaqqussaannik atuutsitinissaq januaarip ulluisa 2021-annut sivitsorneqarmat, maratoni taamaatinneqarpoq.

Leif den Lykkeliges Maraton imaappoq:

 

Arpannermi isorartussutsit:

-Marathon 42,195km. Halvmarathon 20 km. miss. 10 km kiisalu halvmarathonitut isorartutigisumik pisunneq.

- Arpaffissap marathon portunerpaaffia 1400 meterit missaliorlugit. Arpafissap halvmarathon portunerpaaffia 900 meterit missaliorlugit

- Namminneq piumasutsiminnik ikiuuttartut inuit 40-t missaanniipput.

Kommuninit allanit arpaqataasoqarsinnaannginnissaata saniatigut aamma pisortat qanillivallaannginnissamik inassutaat taamaatitsinermut peqqutaaqataapput.

Maratonimmi ingerlanneqarnerani arpattussat pilersaaarutit malillugit nereqatigiittartussaagaluarput, ataatsimut unnuisartussaagaluarlutik inuillu aallarnermi apissinnermilu imminnut ningorsimasassallutik.

Inassutit taakku maratonnertoqarnerani eqquutsinnissaat ajornakusoorpoq.

Coronavirusili suli taamaatitsisoqannginnerani ajornartorsiortitsivoq, maratonertitsinissaq ilaatigut nittarsaanneqaqqusaasimanani. Inuilli suli soqutiginnittut Poul H. Jørgensen oqarpoq.

- Peqataasussat aqqaneq marluusut saniatigut allanik peqataasussaqaraluartoq nalunngilara. Kujataaneersorpassuit ilaasarput kiisalu aamma nunatta sinneraniit peqataasoqartaraluarluni. Aqqaneq-marluk nalunaareerput, kisianni amerlanerusut arpaqataasasussaagaluartut nalunngilarput, Poul H. Jørgensen oqarpoq.

AAMMA ATUARUK Nuuk Marathon taamaatiinnarneqartoq

Leif den Lykkeliges maratoni ullormi aggustip 22-iani ingerlanneqartussaangaluarpoq.

Marathonip ateqaataa Leif den Lykkelige vikingimut Erik aappalaartumut, nunatsinnut 981-imi pisumut, erneruvoq. Leif den Lykkeligep Columbus-imit Amerika avannarleq ukiunik 500-ngajannik siulliulluni tikippaa.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat