Marathonimi inernerit
![](/sites/default/files/styles/image_934x467/public/article_images/loebesko_630.jpg?itok=ssDrLKr3)
Inuit 300-t sinnerlugit Aasiaat Midnight Sun Marathonimi peqataapput. Isorartussutsit assigiinngitsut arpanneqarput, tassa marathon 42,195 kilometerit, 21 kilometerit, 10,5 kilometerit kiisalu 4,2 kilometerit.
Arnat arfineq-pingasut marathoneqataapput, marlulli uniinnarsimallutik. Liza Tuperna Itzchaky arnani ajugaallualaavippoq. Lizap akunnerit pingasut, minutsit tallimat sekundillu 53-it marathonimut atorpai, 03:05:53, tullersortaa Laali Berthelsen, Ilulissaneersoq, akunnerup affaata missaanik kigaannerusoq. Taassuma akunnerit pingasut, minutsit 36-t sekundillu 30-t marathonimut atorpai. 03:36:30.
Nuummiu Mette Lynge normu 3-tut inissippoq, taassuma atorpai akunnerit pingasut, minutsit 39-t sekundillu 37-t. 03:39:37.
Niels Tuutu Berthelsen, Sisimiuneersoq, marathonimi angutini pissartanngorpoq. Taassuma marathonimut atorpai akunnerit marluk, minutsit 50-it sekundillu 46-t, 02:50:46, tulliuttumut Frederik Brummerstedtimit Nuummeersumit sekundinik sisamanik sukkanerulaaginnarluni.
Iluliarmiu Frederik Petersen normu 3-tut inissippoq, taassuma atorpai akunnerit marluk, minutsit 55-it sekundillu 32-t. 02:55:32.
Angutini qulingiluat marathoneqataapput, marlulli uniinnarsimallutik.