Marø: Siulittaasutut qinigassaat amerlanerusariaqarput

Siumut siulersuisuini siulittaasussamik qinersinissamut qinigassanngortittut maannakkumut marluugallartut, ilaneqarsinnaasut, Siumup ilaasortaasa ilaannit kissaatiginartinneqarpoq.

Siumup siulersuisuni ilaasortaq Tommy Marø isumaqarpoq, Siumup partiiani siulittaasumik qineqqusaartitsinissami amerlanerusut qineqqusaartariaqartut. Tommy Marø-p kissaatiginartippaa Siumut partiiata arnartaasa arlaat qineqqusaartariaqaraluartoq. Ruth Heilmann aammalu Agnethe Davidsen parteeqatiminnit allaniillu Siumup siulittaasussaattut qineqqusaarnissamut kajumissaarneqarsimanerarput. Tamarmilli qineqqusaassanerlutik oqaatigiumanngilaat.

Siumut partiianni siulittaasussatut kina qinigassatut piukkunnarnerunersoq Siumup siulersuisuisa ilaasortaasa assigiinngitsunik isumaqarfigaat. Amerlasuulli qanoq isumaqarnertik suli saqqummiukkusunngilaat.

Siumup ukiorpassuarni siuttorisimasaa Jonathan Motzfeldt oqarpoq qineqqusaartussat qineqqusaarutaat tusareerunigit aatsaat isummerumaarluni, siulittaasussaatulli piukkussaq qinerneqarumaarnerarpaa.

Lars-Emil Johansen aperigatsinni qinigassanngortissamaannginnersoq, oqarpoq Siumumi siulittaasussamik qinersinissaq pillugu oqaaseqarnianngikkallarluni.

Taamattaaq oqarpoq Siulersuisuni ilaasortaq Ruth Heilmann.

Siumut partiia februaarip 17-ata 19-atalu akornanni Sisimiuni ataatsimeersualerpat, paasinarsissaaq kina Siumumi siulittaasunngussanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat