Maqaasineqartut atii saqqummiunneqarput
Inuusuttut marluk sisamanngornermi oktobarip 13-ani umiatsiaaqqamut ilaallutik Nanortalimmiit aallarnermi kingorna maqaasineqartut atii politiinit maanna saqqummiunneqarput.
Allattoq Louise M. Kleemann
Angallat atugaat inuttaqarani Nanortallip eqqaani nunamut tipisimasoq sapaatip akunnera kingulleq nassaarineqarpoq.
Angallami ilaasut maanna ajunaarsimasutut ilimagineqartut tassaapput Louis Marius - Inuk - Kristoffersen, 20-nik ukiulik aamma Titte – Marie Kristiane Dorph, 19-nik ukiulik. Qaqortumi politiit taama nalunaarput.