Manitobap qilalukkat qaqortat illersorniarpai

Upernaat ukiallu tamaasa qilalukkat qaqortat ataatsimoortut amerlanersaat, nunatap Manitobap sineriaatigut ingerlaartarput.

Qilalukkat qaqortat aasakkut Hudsonip kangerliumanertaata kitaaniittarput, Manitoballu avannaatungaani kuuit eqqaanni piaqqisarlutik.

Manitobami qilalukkanik qaqortanik piujuaannartitsinissaq pillugu ukiumoortumik pilersaarummik saqqummiusseqqammerput. Siunertaavoq qilalukkat qaqortat uumaffiisa peqqissusaasalu illersorneqarnissaat.

Qilalukkat qaqortat ataatsimoortut 57.000-it takornarianik ukiut tamaasa orningarneqarluartalersimapput, Manitobamilu taakkua aamma illersorniarneqarput.

Manitobami qilalukkat aamma takornarianut inuusuttullu ilinniartitsissutigineqartarput. Qilalukkat qaqortat siunissami piuinnarsinnaanerat, Manitobap pinngortitamik qilalukkat uumaviisa piujuaannarnissaat illersorniarneqarmat.

Pilersaarutillu taassuma nutaap, Manitoba Beluga Habitat Sustainability Plan, tapertarissagaa oqaatigineqarpoq.