Maniitsup eqqaani takornarialerineq killilimmik ineriartortinneqarsinnaavoq

Maniitsup eqqaani nunaqarfinni takornariaqarneq killeqartumik ineriartortinneqarsinnaavoq. - Takornarialerineq aningaasarsiorfigilluarneqarsinnaanngikkallarpoq, Kai Drastrup Maniitsumi takornarialerisoq oqarpoq
Allattoq Oline I. Olsen
maajip 06-at 2009 10:26

- Takornariat nunaqarfimmukaraangamit inuit qanimut naapittarpaat, kalaallit inooriaasaat misigisarlugu, soorlu kalaaliminernik nerisaqartarlutik, Kai Drastrup oqarpoq.

Kai Drastrupip qularinngilaa Maniitsup eqqaani nunaqarfinni takornarialerineq ineriartortinneqarsinnaasoq, pingaarnertullu nunaqarfinni takornarialerinermik soqutiginittut tunuarsimaaratik sassarsinnaasariaqartut oqarpoq.

- Nunaqarfimmiut takornariarlerinermik soqutiginnittariaqarput, ilimagineqassanngilarli takornarialerineq aningaasarsiorfigineqarnissaassoq tamannami tunngavissaqanngikkallarpoq kiisalu ilinniagaqarsimasuunissaq pisariaqarluinnarpoq, Kai Drastrup oqarpoq.

Maniitsoq adventures incoming Kai Drastrupip suliffigisaa, ukiumut 750-inik takornarianik sullissisarput, nunaqarfimmiullu takornarialerinermik soqutigisalli eqqumaffigisassaqartut, Kai Drastrup oqarpoq.

- Amerlasuunik eqqumaffigisassaqarput, aningaasaqarneq imminut nappassinnaasariaqarpoq, takornariat amerlassusaat eqqumaffigineqartariaqarpoq kiisalu sumiiffimmi takornarialerisut unammilleqatigiissinnaanersut eqqumaffigineqartariaqarpoq, Kai Drastrup oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq