Maniitsup eqqaani nuna sisamariarluni sajuttoq

Maniitsumi innuttaasut sisamanngornermi ullaap tungaani sajunnerit immaqa malugisinnaasimassavaat. Maniitsumiimmi 45 kilometerinik ungasissuseqartumi nuna sisamariarluni sajuppoq. Nunalli sajunnera nalinginnaasuulluinnartoq, GEUS-ip oqaatigaa.

Allattoq Nicole Sander Bertelsen

juunip 12-at 2025 13:44

Nutserisoq Connie Fontain

Maniitsumi ullaap tungaani nalunaaqutaq 10.50 nuna sajuttoq malugineqarsinnaavoq. Maniitsumiimmi 45 kilometerinik ungasissuseqartumi nunap sajunnera tamatumani pissutaavoq.

Nunap najunnera Richterip uuttuutaa atorlugu 3,3-mik sakkortussuseqartutut uuttorneqarpoq, tamanna nunarsuarmi nunap sajuttarneranut sanilliullugu annikippoq, nunatsinnili uuttorneqartartumi annertunerulaarluni, GEUS-imi ilisimatusartuuneq, Tribe Dahl-Jensen oqarpoq.

- Nunap sajunnerata kingorna sajoqqinnerit Maniitsumi malugineqartut nalinginnaangaatsiarput, nunarsuummi ikariissaarneri qalliit nikerartuaannarput, Trine Dahl-Jensen oqarpoq.

Misigisassaasoq

Taamaammat nunap sajunnera siulleq imaluunniit kingornatigut marloriarluni sajoqqinnera ernumassutigineqartariaqanngilaq, Trine Dahl-Jensen erseqqissaavoq.

- Nunap sajunnera sakkortunngitsoq misigisassaavoq, nunallu sajunnerani nalunaarsuinermi matumani ajoqusertoqanngilaq.

Nunap sajoqqaarnerata kingorna sajoqqinnerit nalunaaqutaq 10.53, 11.15 aamma 11.20 nalunaarsorneqartut, ilisimatuuneq oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.