Maniitsup eqqaani nuna sajuttoq
Maniitsup eqqaani nuna sapaatiummat ullaakkut qulingiluanut qiteqquttoq sajuppoq.
Nunap sajuffia Maniitsup avannaata kangiani 40 kilometerisut ungasitsigisumiippoq, Richterillu nunap sajuttarneranut uuttuutaa naapertorlugu 3.9-tut sakkortutigaluni.
Nunap sajunnera Maniitsumi innuttaasut arlaqartut malugivaat.
Trine Dahl- Jensen Danmarkimi Kalaallit Nunaannilu ujarassiuutut misissuiffimmi GEUS-mi ilisimatooq taama oqaluttuarpoq.
Maniitsumi innuttaasut qulit missaannittut nunap sajunneranik malugisaqarsimasut GEUS-imut allagaqarlutik saaffiginnipput:
- Ikkuppaluttunik tusaasaqarsimapput, nunalli sajunneranik malugisaqaratik, allat bulldozerit saneqqunnasorisimavaat, Trine- Dahl- Jensen oqaluttuarpoq.
- Maniitsup eqqaani nunap sajunnera aatsaat taama sakkortutigivoq, annertunngilarli. Nunarsuarmi tamarmi sumiiffinni assigiinngitsuni taama sakkortutigisunik ullut tamaasa nuna sajuttarpoq, Trine Dahl-Jensen KNR-imut mail-ikkut taama allappoq.
Maniitsup eqqaani nunap sajunneri qulingiliuat Richterip nunap sajuttarneranik uuttuutaa napertorlugu 3.0 qaangerlugit sakkortutigisut GEUS-imit ilisimaneqarput, Maniitsup eqqaani kingullermik maajip qaammataani nuna sajummat, 3,8-tut sakkortutigivoq, Trine Dahl-Jensen taama oqarpoq.