Maniitsumi utoqqarnut inissialiorput

Ukiut qulit kingulliit Maniitsumi utoqqarnut inissialiornissat pilersaarutaagaluartoq aningaasalersornissaa aporfiusimavoq. Namminersorlutilli Oqartussat aningaasaleeqataaniarlutik ilimasaarimmata sanaartorneq aallartippoq ullumilu inissiat 16-it marlunnik initallit 60 kvadratmeteriusut nappaanersiorneqassapput.

Ullumi nappaanersiornermi kommuunip ilaqutariinnermut ataatsimiititaliaani siulittaasoq Bitten Heilmann sanaartortitsisut sinnerlugit oqaaseqassaaq, taassumalu eqqartorniarpaa utoqqarnut inissialiornerup siunissami qanoq pingaaruteqartiginera.

- Maniitsumi utoqqarnut inissiat amigaataapput. Ullumikkut utoqqarnut inissiat 14-iinnaapput. Ullumikkulli utoqqarpassuit aqqulluttuni najugaqarput. Taamaammat inissiat nutaat iluaqutaassaqaat. Inuiaqatigiinnimi utoqqaat amerliartortillugit utoqqarnut inissiat amerlanerit A/S Inip nakkutigisai pisariaqartinneqalersussaapput, Bitten Heilmann oqarpoq.

Inissiat nutaat Tunoqqusaap aamma Annertusup tunuatungaani nuggersimanermiipput. Tassani najugallit umiatsiaaqqat illup silataanut inississinnaavaat. Tamannalu Qeqqata Kommuniata utoqqarnut politikkianut naleqquppoq, tassami anguniagaavoq sapinngisamik sivisuumik utoqqaat angerlarsimaffimminni  imminnut isumaginissaat.

- Inissisimaffissaat marlunnik nassuiaatissaqarpoq. Utoqqaat inuunermi ilarujussuaq imaanut attaveqartuummata immap eqqaaniinnissaat kissaatigaarput. Aamma tulluarpoq qanitaani pisiniarfeqarlunilu utoqqaaat sapertut inaat inissisimammata. Taamaasillutik sapertut inaanni Neriusaami neqeroorutit utoqqaat atorluarsinnaavaat. Inissiat naliginnaasunut assigusuupput taamaattoq utoqqaat pisariaqartitaat tunngavigalugit naleqqussagaallutik. Aappariinnit kisermaanillu najugarineqarsinnaapput, Bitten Heilmann KNR.gl-mut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat