Aalisarnermut, Piniarnermut Nunalerinermullu Naalakkersuisoqarfiup aqutsiveqarfimmi Maniitsumi umimmanniarsinnaaneq aggustip ulluisa 15-anni aallartitussatut junip qaammataani siunnersuutigigaluarpaa, kisianni tassa aggustip aallaqqaataani umimmanniarsinnaaneq aallartissaaq. . Assi: Dan Bach Kristensen

Maniitsumi umimmanniarsinnaaneq nalinginnaasumik aallartissaaq

Maniitsumi umimmanniarsinnaanerup kingusinnerusukkut aallartinnissaanik inassuteqaatip isornartorsiorneqarnerata kingorna taamatinneqarpoq, Naalakkersuisut taama nalunaarput.

Aqutsiveqarfimmi Maniitsumi umimmanniarsinnaaneq naliginnaasumik aallartittarfimmini aallartissaaaq.

Naalakkersuisut tusagassiuutinut nalunaaruteqarlutik taama allapput.

Aalisarnermut, Piniarnermut Nunalerinermullu Naalakkersuisoqarfiup aqutsiveqarfimmi Maniitsumi umimmanniarsinnaaneq aggustip ulluisa 15-anni aallartitussatut junip qaammataani siunnersuutigigaluarpaa, kisianni tassa aggustip aallaqqaataani umimmanniarsinnaaneq aallartissaaq.

Tamanna aalajangerneq, inuussutissarsiutigalugu aamma sunngiffimmi piniartunut atuuppoq, biologit inassuteqaataat naapertorlugu.

Biologit inassuteqaataat Atassutip aamma Siumut Inuusuttaannit akerlerineqarpoq.

Inassuteqaat akerleralugu Atassutip politikkikkut siulittaasuata tullianit Nikolaj Rosingimit isornartorsiorneqarpoq.

AAMMA ATUARUK Atassutip Siumullu inuusuttaat: Umimmanniarsinnaaneq kingusinnerusumiittariaqanngilaq

Taanna isumaqarpoq inassuteqaatigineqartoq kingusippallaartoq, sulisartut amerlasuut sulinngiffeqarnissaminnut sulisitsisuminnik isumaqatigiissuteqareermata.

Nikolaj Rosingip tunngavilersuutaata aapparaa, atuartut angajoqqaatik ilagalugit piniariarsinnaassanngimmata, Maniitsumi atuartut aggustip ulluisa 17-anni aallartissammata.

- Meeqqatsinnut pingaaruteqartoq kulturerput ilikkassallugu, sapinngisamillu kinguaatsinnut ingerlateqqillugu, Nikolaj Rosing tusagassiuutinut nalunaarummi taama oqarpoq.

Siumup inuusuttai inassutigineqartumut isumaqataanngillat, taakkua oqarput kalaallit piniariaasiannut inassutigineqartoq naapertuutinngitsoq.

Naammagittaalliuutigineqartut tusaaneqarsimapput. -Taamaasilluni Maniitsumi aavartartut piffissami nalinginnaasumi aavariarsinnaanngorput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat