Maniitsumi ataasinngornermi unnukkut aallaasersortoqarmat ajoqusertoqanngilaq. Toqqorsivimmit assi.Assi: Pressefoto/Rigspolitiet

Maniitsumi politiit aallaasersorfiusumut ornigukkasuartut

Maniitsumi politiit illoqarfimmi aallaasersortoqarnera nalunaarutigineqareersorlu Nuummi suleqatitik ikiortiserisariaqarsimavaat.

Maniitsumi illumiit aallaammik ataasinngornermi unnukkut nalunaaqutaq aqqanermut eqqartoqarnera pillugu isiginnittoq politiinut nalunaaruteqartoq, Kalaallit Nunaanni Politiit KNR-imut marlunngornikkut ullaap tungaani uppernarsarlugu nalunaarutigaat.

Isiginnittoq naapertorlugu illup iluaniit igalaakkut illoqarfiup tungaanut eqqartoqartoqarsimavoq.

Inuk illumiit aallaasersortoq Maniitsumi politiinit nakkutigineqarpoq - inuk pineqartoq illumiit aninnginniassammat.

Nuummi politiit ikiuukkiartortut

Politiit pinasuartumik orniguttartui aallaasersortoqarnerani aggersarneqarput, politiillu isumaqatigiinniartartuat Nuummiit umiatsiarluni Maniitsuliarpoq.

Politiit aallaasersortumut kingorna attaveqarput, aallaasersortorlu illumiit qimagutitinneqareerami tigusarineqarpoq. Maniitsumi pissanganartorsiorneq taamaalilluni unitsinneqarpoq.

Pisup nalaani ajoqusertoqarsimanngitsoq, pigaartut pisortaat Julie Senderowitz Bendtsen KNR-mut ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat