Maniitsumi pinaveersaartitsinermik SSPK-mik suliallit aserorterisarneq qulequtaralugu ippassaq ataatsimiipput. Maniitsumi inuusuttuaqqat meeqqalluunniit mittarfiup atortuinik aserorterisimapput. Assinganillu aserorterisoqaqqeqqunagu SSPK pinaveersaartitserusuppoq.
Ajornartorsiutaasinnaasut oqaluuserineqarsimapput SSPK-lu oktobarip 12-ni ataatsimeeqqinniarluni aalajangerpoq. Maniitsup kommuniani pitsaaliuinermik siunnersortertaaq tallimanngorpat sulilissaaq, Maniitsumi isumaginninnermut pisortap Eleonora Heilmannnip oqaatigaa, siunnersortertaap aserorterisarnermik ajornartorsiutit iliuuseqarfigalugit suliarilissagai.
- Ilimaginngilara meeqqaat inuusuttuaqqalluunniit ilisimasimanngikkaat suna aserortersimanerlugu, Maniitsumimi aserorterisoqartorsuunngilaq, Maniitsumi isumaginninnermi pisortaq Eleonora Heilmann oqarpoq.
Taamaattorli Maniitsumi pitsaaliuissanerarput.