Maniitsumi pinaveersaartitsineq iluatsittoq

Nunatsinni naartuersittartut ikilisinneqarnissaat Namminersornerullutik Oqartussanit ukiut marluk qaangiupput siunniunneqarpoq. Naartuersittarnermillu Maniitsumi pinaveersaartitsineq iluatsilluarmat, Maniitsumi napparsimmavik ”Inuuneq Nakuuneq”-mit ukioq manna 20.000 kronenik kajumissaaserneqarpoq.

Maniitsumi 2002-mi naartuersittut 55-iusimapput 2003-milu 35-illutik. Naartuersittarnermut pinaveersaartitsilluarsimasutut kajumissaaserneqarnertik, Maniitsup napparsimmaviani peqqinnissamik siammarsaasup akiuiniarnermilu suleqataasup Karoline Olsen-ip ima nassuiarpaa:

- Maniitsumi lokalradio suliniuteqarnitsinni atorluarparput, napparsimmavimmut saaffiginniffiginnissagaanni piffissat aggerfissat nalunaarutigitittarlugit. Maniitsumilu naartunaversaatinik atuinermik paasititsiniaanerup kingunerisimavaa siorna arnat 90-it naartunaversaatinik tunineqarsimanerat.

Tamatuma saniatigut illersuuteqarani atoqateqarsimagaanni iisartakkap, peqqissimanermi iisartakkamik taagorneqartup atorneqarsinnaanera aamma paasititsiniutigineqarsimavoq.

- Maniitsumi ukioq manna arnat 22-it peqqissiminermi iisartakkamik tunineqarput, Karoline Olsen oqarpoq,

peqqissiminermili iisartagaq naartunaversaataanngitsoq Karoline Olsen-ip erseqqissaatigaa.

-Taamaattumik piniarlutik takkuttunut tamanna erseqqissarneqartarpoq, naartunaversaatinillu atuinermik siunnersorneqartarlutik.

Maniitsumi iluatsittumik pinaveersaartitsineq tunngavigalugu kommuneqarfinnut allanut Karoline Olsen aamma siunnersuuteqarpoq:

- Suliarujussuusarami inupparujussuit tassani pineqaramik, taamatut pinaveersaartitsiniaraanni allamik suliaqannginnissaq pisariaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat