Unnerluutigineqartoq suliamut atatillugu misissueqqissaartoqarnerani eqqarsartaatsiminut atatillugu misissorneqarpoq. Assi: Pressefoto/Rigspolitiet

Maniitsumi marlunnik toqutsineq: Angut inuusuttoq eqqartuussivimmut sassassasoq

Angutip inuusuttup angummik arnamillu Maniitsumi savimmik siorna toqutsisimasutut paarineqartussanngorlugu eqqartuunneqarnissaa unnerluussisussaatitaasut piumasaraat. Eqqartuussivimmi suliaq ullumi aallartinneqarpoq.

Maniitsumi politiit pigaartuinut siorna decembarip qiteqqunnerani nalunaaruteqartoqarpoq. Innuttaasup inuit marluk inuit najugaanni toqungasut nassaarisimavai.

Politiit tassunnaramik angut arnarlu savimmik kapineqarsimasut nassaaraat. Unnerluussissullu, angummut inuusuttumut suliamik aallartitsissutaasoq, naapertorlugu politiit najuuffimmukartut takusaat sakkortusimapput.

Eqqartuussisoqarfik Qeqqani amiilaarnartumik toqutsisoqarneranut atatillugu suliaq ullumi aallartinneqassaaq.

AAMMA ATUARUK Maniitsumi marlunnik toqutsineq: 22-nik ukiulik eqqarsartaatsimigut misissorneqassaaq

Unnerluussisussaatitaasut angut 60-it qiteqqunnerani ukioqartoq saviit assigiinngitsut atorlugit minnerpaamik 39-riarlugu kapineqarsimasoraat arnarlu 50-it qiteqqunneranni ukioqartoq tamatuma kingunerani minnerpaamik 70-eriarlugu kapineqarsimalluni.

Angut inuusuttoq suliami unnerluutigineqartoq, pinerlunnerup nalaani 22-nik ukioqarpoq. Taanna – politiit oqarnerat naapertorlugu – toqutsinernut ilaatigut nassueruteqarpoq, suulli nassuerutigisimanerai KNR-ip paasisinnaasimanngilai.

Paarinninneq suua?
 

- Inuunerup sinnerani parnaarussassanngortitsineq kisimi assigalugu paarineqartussanngortitsineq kililigaanngitsumik pineqaatissiissutaavoq. Silangajaartunut pinerluuteqarsimasunut inissiisussanngortitsinermik eqqartuussinerup akerlianik paarineqarnissamik eqqartuunneqartut parnaarussivimmiinnissaminnut naleqqupput.
 

- Inuit inunnut navianartumik pinerluuteqarsimasut kinguaassiutinullu atatillugu pinerluuteqarsimasut inuit akornanniinnerminni navianaateqartutut nalilerneqartut kisimik paarineqarnissamik eqqartuunneqarsinnaapput.

Paasissutissarsiffik: Ritzau 

 

Unnerluutigineqartoq nakuusernermut suliamut atatillugu ukioq manna siusinnerusukkut ulluni 60-ini pineqaatissiinneqarsumasunut inissiisarfimmiittussanngortinneqarpoq. Unnerluussisussaatitaasut eqqartuussut taanna atorunnaarsikkumavaat – taarsiullugulu piffissami killiligaanngitsumi paarineqartussanngorlugu eqqartuussaassasoq isumaqartut, unnerluussummi allassimavoq.

AAMMA ATUARUK Angut 22-nik ukiulik Maniitsumi marlunnik toqutsisimasutut tigummigallagassanngortinneqartoq

Suliamut atatillugu misissueqqissaartoqarnerani unnerluutigineqartoq eqqarsartaatsimigut misissorneqarpoq. Tamanna qanoq ingerlasimanersoq eqqartuussivimmi suliamut ulluni aggersuni ilaanngunneqassaaq.

Politiittaaq unnerluutigineqartoq inuillu marluk decembarip unnuaani toqutaasut imminnut ilisarisimasariinnersut oqaatigerusunngilaat.

Suliap sisamanngornermi aalajangiiffigineqarnissaa naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat