Maniitsumi inuit marluk savimmik toqutaasut

Maniitsumi najukkat ilaanni inuit marluk savimmik toqutaasimasut pingasunngornerup unnuaani nassaarineqarput.
Politiit suliami pinerluttumik suli tigusarinninngillat. Assi © : Pressefoto/Rigspolitiet
Allattoq Jens Betak
decembarip 18-at 2019 11:14

Angut 60-it sinnerlugit ukiulik arnarlu 50-it aallartinnerani ukioqartoq Maniitsumi savimmik toqutaapput.

Kalaallit Nunaanni Politiit tusagassiutinut taama nalunaaruteqarput.

Kalaallit Nunaanni Politiit Maniitsumi najukkami inuit marluk toqungasut nassaarineqarsimasut unnuaq nalunaaqutaq 1:30 nalunaarfigineqarput.

Maniitsumi Politiit najukkamut ornigupput inuillu marluk politiit oqarnerat naapertorlugu savimmik toqutaasimasut nassaarineqarput.

Politiit pinerluttoq suli nassaarinngilaat, politiit KNR-imut paasissutissiipput.

Kalaallit Nunaanni politiit toqutsisoqarnerani suliamut ikiorneqartariaqarput, taamaammat Danmarkimi naalagaaffiup politiivini pinerluttoqarsimatillugu misissuisartut pingasut misissuinermut ikiuiartortinneqarput.

Politiit innuttaasut suliamut atatillugu arlaannik ilisimasaqarsinnaasut oqarasuaammut 701448-mut saaffiginninnissaat kaammattuutigaat.

Toqutaasut qanigisaat ilisimatinneqareerput.

Politiit suliamut atatillugu allanik paasissutissaateqanngikkallarput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk