Maniitsumi inissiaqarfissuarmi inissiat ilaat ikuallattoq
Maniitsumi inissiaqarfissuarmi Esbjergvejimi inissiat ilaat unnuaq ikuallappoq.
Allattoq Bikki P. Kleist
Inissiaqarfimmi ikuallattoqarnera pillugu politiit qatserisartullu unnuaq marlunut qiteqqutiliivissoq kalerrinneqarput.
Ikuallaffiusoq qatserisartunit pilertortumik qamisarneqarsimasoq, Maniitsumi Politiineersup, Niels Lyngholmip oqaatigaa
Inuit ataasiakkaat putsumik iioraasimasut napparsimmaviliaanneqarput, annerusumilli ajoqusertoqarani, Niels Lyngholm oqarpoq.
Init allat ikuallaffiusup eqqaaniittut aamma eqqugaapput, taamaattumillu taakkunani najugallat allamik inissarsigallartinneqarlutik
Ikuallaffiusumi najugallat politiinit oqaloqatigineqassapput.
Ikuallannerlu sumik aallaaveqarnersoq suli paasineqanngitsoq, Maniitsumi politiineersup Niels Lyngholmip oqaatigaa.