Maniitsumi ikaartarfik nutaaq atoqqaarfissiorneqartoq

Maniitsoq nutaamik ikaartarfittaarpoq, tamatumuuna Issuatsiartarfiup qooruata eqqaani.
Pisuinnaat ikaartarfiat tatsip Annersuup eqqaaniippoq. 50 meterinik takissuseqarpoq 5 meterinillu portussuseqarluni. Assi © : Qeqqata Kommunia
Meeqqeriviit allallu ikaartarfik atullattaalereerpaat. Meeqqat perorsaasullu asimut nuannisariartut ikaartarfikkoortut assimi takuneqarsinnaapput. Assi © : Qeqqata Kommunia
Allattoq Simon Uldum -
septembarip 14-at 2016 06:57

Qeqqata Kommunia naapertorlugu, pisuinnaat ikaartarfiannit aallartittumik pisuttuartarfiit nalunaaqutsersugaanissaat pilersaarutaavoq. Suliniutissaq tamanna Maniitsumi takornariartitsinerup siuarsarneqarnissaanut ilapittuutaasussaavoq mikisoq, pingaaruteqartussarli.

Pisuinnaat ikaartarfiat ersittumik takussutissaavoq innuttaasut kommunillu atituumik suleqatigiinnerannut. Suliniut innuttaasuneersuuvoq kommunimillu naammassineqarluni. Qeqqata Kommunia tusagassiorfinnut nalunaaruteqarluni taama allappoq.

Kommunimi borgmesterip tulliata ilaatigut utoqqaat peqatigiiffiat, Innuttaasut Suleqatigiissitaliaat aamma
aqqusinilerisut qutsavigai:

-Ikaartarfik siammasissumik iluaqutaaniartussaavoq. Innuttaasunut asimut pisuttuarusuttartunut iluaqutaasussaavoq, takornarianuttaaq tikeraanullu.  Immikkut ittumik qutsavigaa Pilersitsivik, tassani ilinniartut

ikaartarfiliortuummata, Qeqqata Kommuniani borgmesterip tullia Gideon Lyberth tusagassiorfinnut nalunaarummi taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq