Maniitsumi hasheerniaq tigusarineqarpoq

Angut 20-nik ukiulik Maniitsumi hashimik tuniniaasoq politiinit tigusaavoq. Hashi 22 grammi, aningaasallu 4500 koruunit tigummigai politiit aamma ilisimatitsissutigaat.
septembarip 08-at 2008 10:00

Atiminik taaserusunngitsup politiinut tunniussineratigut angut 20-nik ukiulik, Maniitsumili najugaqanngitsoq, tigusarineqarpoq.

Angut sinerissaminngaanneersuuvoq, hashimillu tuniniaanissaq siunertaralugu Maniitsuliarsimanerarneqarluni.

Angut iperagaatinneqarallarpoq, qanorlu pineqassanersoq kingusinnerusukkut paasinarsiumaarluni.