Maniitsup Kommuneani Atassutikkut Siumukkullu kinguariarput, tamarmik immikkut ataatsimik ilanngarlutik.
Akerliani Inuit Ataqatigiit siuariarlutik ilaasortaatitaat maannamut ataasiinnaasimasoq ataatsimik ilavoq, kommunalbestyrelsimullu siullerpaamik sassartitaqartut Demokraatit ataatsimik qinigaatitaqarput.
Borgmester Siverth K. Heilmann, Atassut, 2001-imi qinigaanerpaajoriarluni, ukioq manna nr.2-tut inissippoq, borgmesterissatullu Søren Lyberthimit, Siumumeersumit unammillerneqarsinnaanngulerpoq, taanna 184-init taaneqarluni Maniitsup Kommuneani taaguunneqarnerpaajusimagami.
Inuit Ataqatigiit marlunnik ilaasortaatitaqalerput, ataasiinnaasimariarlutik.
Demokraatit kommunalbestyrelsimut qinersinermut siullerpaamik sassartitaqarput, ataatsimillu qinigaatitaqarput, Ib Goldbach qinigaammat.
