Aligoqqeqarneranik misissuinitsinnit inernerusut assut isumalluarnarput, Norgemiut suliffeqarfiat Crew Minerals Maniitsup eqqaani ujaqqanik akisoorsuarnik aligoqqeqarneranik siorna misissuisimasoq nalunaarpoq.
Maniitsup kujataatungaani aligoqqeqarneranik misissuinermi nunap ilaa 20-inik misissugassanik tigusiffigineqarpoq, misissugassatullu tigusat arfineq pingasut misissorneqareerput, taakkulu tamarmik aligoqqittaqartut oqaatigineqarpoq.
- Aligoqqittallit imminnut 50 kilometerisut ungasissuseqarput, tamannalu pillugu neriuutissaqarluarpugut, Crew Mineralsip pisortaa
Hans Christian Qvist oqarpoq.