Maniitsumi 24-t soraarsinneqaratarsinnaapput

Namminersornerullutik Oqartussat Maniitsumi tapersersortitut ikiortit tiimiinut ikililiinerujussuarnerisa kingunerisaanik, Maniitsumi nakkutigisaasumik najugaqatigiiffiit arfiniliusut 34-nik sulisoqartut eqqugaarujussuassapput. Najugaqatigiiffinnut ningiu tapersersortinullu ataqatigiissaarisoq Jytte Lyberth-ip nalilerpaa, iliuuseqartoqanngippat 24-t soraarsinneqassasut.

Ikiortit tiiminik ikililerineq illoqarfimmi innarluutilinnut ikiortinik tallimanik soraarsitsinermik kinguneqareerpoq.

Inunnik Isumaginninnermik siunnersortip Otto Benia Villadsen-ip oqaatigaa, sulisut ukiorpassuarni suliaat asuliinnartinneqassasut allanngortoqanngippat.

- Sullitat ilaat napparsimavimmut uneqattaarlutik aallartereerput, uffa nakkutigineqarunik tamanna pisariaqanngikkaluartoq, Otto Benia Villadsen oqarpoq.

Illoqarfimmi innarluutilinnut sullissisut 55-iugaluarput, taakkulu sullippaat timimikkut tarnimikkullu innarluutillit 47-t. Soraarsitsinerit piviusunngussappata innarluutilinnik sullissisut 26-iinnanngussapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat